पालघर,बोईसर,विधानसभेत बंडखोरीने माहायुतीची वाढवली डोकेदुखी.
संपादक
पालघर जिल्ह्यातील माहितीचे श्रीनिवास वनगा , जगदीश धोडी यांच्यानंतर आणखी एक बंडखोर नेते नॉट रिचेबल झाले आहेत . पालघर विधानसभेत अपक्ष उमेदवारी अर्ज दाखल केलेले माजी आमदार अमित घोडा मागील 24 तासापासून संपर्क क्षेत्राच्या बाहेर असल्याने महायुतीची डोकेदुखी वाढली आहे .
अमित घोडा हे मागील शिवसेनेचे आमदार असून 2019 साली उमेदवारी नाकारल्याने त्यांनी नाराज होऊन भाजपमध्ये प्रवेश केला होता . यानंतर त्यांना भाजपमधून डहाणू किंवा पालघरची उमेदवारी मिळेल अशी अपेक्षा होती . मात्र ऐनवेळी त्यांना उमेदवारी न देण्यात आल्याने अमित घोडा यांनी पालघर विधानसभेसाठी भाजपमधून बंडखोरी करत आपला उमेदवारी अर्ज दाखल केला .
मात्र मागील 24 तासांपासून माजी आमदार अमित घोडा नॉट रिचेबल असल्याचे पाहायला मिळतंय . बंडखोरी मोडीत काढण्यासाठी महायुतीकडून वरिष्ठ पातळीवरून सध्या बंडखोरांना फोन द्वारे संपर्क केला जातोय . मात्र अशातच अमित घोडा आपला फोन स्विच ऑफ करून नोटरीचेबल राहिल्याने माहितीची चांगलीच डोकेदुखी वाढली आहे .
पालघर विधानसभेसाठी महायुती आणि महाविकास आघाडी अशी थेट लढत होती . माहिती कडून शिवसेना संध्या गटाचे राजेंद्र गावित तर महाविकास आघाडी कडून शिवसेना उद्धव ठाकरे गटाचे जयेंद्र दुबळा हे दोन्ही सख्खे साडू निवडणुकीच्या रिंगणात होते . मात्र उमेदवारी अर्ज दाखल करण्याच्या शेवटच्या दिवशी माजी आमदार अमित घोडा यांनी आपला अपक्ष उमेदवारी अर्ज दाखल केला असल्याने महाविकास आघाडी आणि महायुतीची डोकेदुखी वाढली आहे .
त्यातच काल अपक्ष उमेदवार अमित घोडा यांनी बहुजन विकास आघाडीचे सर्वेसर्वा जितेंद्र ठाकूर यांची भेट घेतली असून बहुजन विकास आघाडी अमित घोडा यांना समर्थन देण्याच्या तयारीत असल्याची माहिती सूत्रांकडून मिळाले आहे . सध्या महायुतीच्या वरिष्ठ नेत्यांकडून अमित घोडा यांना संपर्क करण्याचा प्रयत्न केला जात असल्याची माहिती विश्वसनीय सूत्रांकडून मिळाले असून अमित घोडा नॉट रिचेबल झाल्याने शिवसेना शिंदे गटाची डोकेदुखी वाढली आहे .
